ҚР-да ЖМҚ арналған жол қозғалысы ережелері: егжей-тегжейлі талдау

Кикшеринг енді мемлекеттік деңгейде танылған қалалық көлік жүйесінің бөлігі болып табылады. Электрлі самокаттар 2023 жылдың тамыз айында «Жол қозғалысы туралы» заңға түзетулер күшіне енгеннен бастап ресми мәртебеге ие болды. Жалдау қызметтерін пайдаланушыларға да, жеке самокаттар иелеріне де және қозғалыстың барлық басқа қатысушыларына да жол мен жаяужолда бір-бірімен қалай қарым-қатынас жасаудың нақты ережелері бар.

Бұл нұсқаулықта біз самокатқа мінер алдында білу керек барлық маңызды нәрселерді жинадық.

● жеке және жалға берілетін самокаттарға арналған жалпы ережелер;
● дулыға тек жолдың жүріс бөлігінде жүру үшін қажет. Велосипед жолында және жаяужолда кимесеңіз болады;
● тәуліктің қараңғы уақытында жолдың жүру бөлігінде жүру үшін жарықшағылыстырғыш қажет;
● кәмелетке толмағандарға тебу рұқсат, бірақ шектеулермен, ал Whoosh самокаттары 18+ болып қалады;
● бәріне де ең жоғары жылдамдық -бұрынғыдай шерингтердегідей: 25 км/сағ дейін. Қала орнатқан баяу аймақтарда жылдамдық автоматты түрде төмендейді;
● жаяужолда немесе жаяу жүргіншілер жолында 6 км/сағ дейін. Пайдаланушы жылдамдықты өздігінен басқаруы керек;
● электрлі самокаттар жүргізушілерінің жауапкершілігі әкімшілік құқық бұзушылық туралы кодексте айқындалған.

Электрлі самокат ұғымы «Жол қозғалысы туралы» заңда бекітілген:

Бұл тұжырым электрлі самокаттың жеке қозғалысқа арналғанын баса көрсетеді. Тағы бір маңызды мәселе - ол көлік құралы ретінде танылғаны. Кикшеринг заңнамалық деңгейде қалалық көлік жүйесінің бөлігі болып табылады.

Жеке самокатты тіркеу немесе жүргізуші куәлігін алу қажет емес, сақтандыру -қалауыңыз бойынша. Басқа автомобиль ЖҚЕ де жеке мобильді көлік құралдарын пайдаланушыларға қолданылмайды: мысалы, самокаттар пайдаланушыларына алғашқы медициналық көмек қобдишасының жоқтығы және басқалары үшін айыппұл салынбайды. Бірақ егер сіз жүріс бөлігімен жүрсеңіз сізден жүргізуші куәлігін сұрай алады. Сондай-ақ, электрлі самокаттарды пайдаланушылар ЖҚЕ бұзғандары үшін автомобильшілер ретінде емес, велосипедшілер немесе мопед жүргізушілері ретінде жауап береді. Олар бұзушылықтары үшін олардың көлігіне сәйкес келетін қатаңдықпен жауап береді.

Егер велосипед жолы немесе веложолағы болса, онда сіз олармен жүруіңіз керек. Ал велоинфрақұрылым болмаған кезде жүрудің үш нұсқасы бар:

● жаяужол немесе жаяу жүргіншілер жолымен - 6 км/сағ аспайтын жылдамдықпен, жаяу жүргіншілерге қауіп төндіруге тыйым салынады;
● жол жиегімен - велоинфрақұрылым үшін қолданылатын ережелер;
● жолдың жүріс бөлігінің оң жақ шетімен, оның ішінде қоғамдық көлік жолағымен. Мұнда тек түймеленген дулыға киген, кез-келген санаттағы жүргізуші куәлігі бар кәмелетке толған адамдар ғана жүре алады.

Біз жол жиегіне немесе жүріс бөлігіне шығуды ұсынбаймыз — бұл жүріп келе жатқан көліктің салмағы мен жүру жылдамдығының айырмашылығына байланысты қауіпті болуы мүмкін. Егер ол жермен жүру керек болатын болса, дулыға киіп, сақ болуды ұсынамыз. Жол жиегі жүріс бөлігінен бөлу сызығымен бөлінеді, онымен көлік жүрмейді. Жолдың жүріс бөлігінің оң жақ шеті автомобильдер мен қоғамдық көліктер жүретін жолақтан ештеңемен бөлінбеген. Егер де самокатпен сол жердең жүрсең, оң жақ қатарды ұстану керек (басқа жол қозғалысы қатысушыларының оң жағында) және бүкіл жолақпен бірдей бағытта қозғалу қажет, қарсы бағытта жүруге болмайды.

Кикшеринг самокаттары қала белгілеген баяу аймақтарда жылдамдықты автоматты түрде төмендетеді. Жаяужолдар мен жаяу жүргіншілер жолдарында жылдамдықты өз бетінше бақылау және 6 км/сағ шектеу қажет. Шерингтік самокаттар шамдармен және жарық шағылыстырғыштарымен жабдықталған, ал түнде Whoosh шамы автоматты түрде жанады, оны өздігінен қосуға болады.

Біздің электрлі самокаттарымыз, басқа жалдау қызметтерінің самокаттары сияқты, жолаушылармен саяхаттауға, балаларды тасымалдауға немесе сүйретуге арналмаған. Қарапайым тілмен айтқанда, бір самокат = бір адам.

Жол қозғалысының кез келген қатысушысы айыппұл ала алады. Әзірге электрлі самокат жүргізушілері үшін айыппұлдар тәжірибесі жоқ, сондықтан біз әкімшілік құқық бұзушылық туралы ҚР Кодексінің келесі баптарына назар аударуды ұсынамыз:

• 593-бап. Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау;
• 615-бап. Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы;
• 620-бап. Жол жүрісіне қатысушыларға қойылатын өзге де талаптарды бұзу.